आठवण

आठवण येते कधी कुणाची, भलत्या जागी, भलत्या वेळी,
का होते हे कुणी सांगावे, न कळे कोणा काही!

मंद सुगंध कधी चाफ्याचा,
येई विहरत वार्यावरुनी,
क्षणात नेई तुजपाशी तो,
का होते हे कुणी जाणावे न कळे कोणा काही!

अवचित घन ते नभ आक्रमिती,
शमविती तृष्णा या धरतीची,
शीतल जल मज कुशीत घेता,
थंडावा तो देई मज उब, अंकुर मनी उमलवी!

भेटे कधी तो जुना मैतर,
कुशल पुसे तो मजला सहजच,
देतो सांगून येईल माही ते,
आतून मन हे भूतकाली अन दुःखाश्रू हे नयनी!

सरते न कधी तुझी आठवण,
असलो जरि मी कोठेही ग,
तू न जाणसी माझी व्यथा ही,
प्रेम परंतु सदैव तुजवर, कधी न अंतर देईन मी!

आठवण येते कधी तुझी गे, भलत्या जागी भलत्या वेळी,
कुणी सांगावे का, कसे हे? झुरणे नशिबी तुझ्याचसाठी!