मला वेड लागलंय...!
त्या काळ्याभोर केसांचं,
त्या निखळ हास्याचं,
त्या बोलक्या डोळ्यांचं,
आणि,
त्या नकट्या नाकावरच्या
लटक्या रागाचं,
मला वेड लागलंय...!
त्या झंकारत्या आवाजाचं,
त्या स्वर्गीय सुगंधाचं,
त्या मोहक चालीचं,
आणि,
क्षणभरात जन्माचा गांगरवणाऱ्या
त्या नजरेचं,
मला वेड लागलंय...!
त्या रात्रीच्या झुरण्याचं,
त्या दिवसैल स्वप्नांचं,
त्या अनामिक हुरहुरीचं,
आणि,
दवासारख्या आणि तितक्याच टिकणाऱ्या
त्या रुसव्याचं,
मला वेड लागलंय...!
तिच्या रम्य आठवणींचं,
त्या वहीत ठेवलेल्या पिसाचं,
हातात धरलेल्या उबदार हाताचं,
आणि,
कितीही असावा वाटला तरी,
तिच्या या अजिबात नसण्याचं,
मला वेड लागलंय...!
maraathi nhi aati hai isliye kuch samajh me ni aaya...but i hope achhi hai...:-) well done
ReplyDelete